Curso de inglés para nais e pais

publicado a la‎(s)‎ 21 nov. 2011 14:18 por ANPA As Lavandeiras do CEIP Manuel Murguía   [ actualizado el 21 nov. 2011 14:22 ]
¿A túa filla/o de 3 anos xa fala mellor en inglés ca ti? ¿a última vez que un turista che preguntou como se ía a Torre de Hércules só atinache a dicirlle go street ahead? ¿non ves películas en versión orixinal porque “eses americanos non pronuncian ben”?

Dende a Escola de nais e pais da ANPA imos organizar un curso de conversa en inglés para adultos. Falar é o medio máis natural e sinxelo para aprender unha lingua e a maioría de nós confesamos ter serias dificultades cando temos que falar inglés. A mesma profesora nativa que os xoves da clase aos grupos de infantil e primaria, nos axudará a falar en inglés a todos os que nos apuntemos, adaptándose ao noso “nivelón” e levando as clases dun xeito distendido e cercano. Estamos programando o curso para un máximo de 10 alumnos, unha hora semanal, no colexio, mentras os peques están nas actividades. Propoñémosvos dúas opcións, organizaremos aquela na que se apunte máis xente:
  1. Opción A: os martes lectivos de 16:00 a 17:00, inicio o 29 de novembro de 2011, fin o 5 de xuño de 2012.
  2. Opción B: os mércores lectivos de 16:00 a 17:00, inicio o 30 de novembro de 2011, fin o 30 de maio de 2012 (agás 7 de decembro)
O prezo do curso pagarase en dous prazos: novembro-decembro 30 € (20 € para socios da ANPA) e xaneiro-fin de curso 130 € (110 € para socios da ANPA). Se existe demanda, abriremos o prazo de matrícula e pago para o curso coa maior brevidade posible.

Agradeceríamosvos que, de estar interesados, contestasedes a pequena enquisa do final deste artigo canto antes, tamén podedes imprimila, cumprimentala e deixala no buzón da ANPA no centro.




Comments