A Asociación Cultural e de Desenvolvemento Rural de usuarias/os das Hortas do Val de Feáns organiza a "I Festa do Espantallo"

O vindeiro sábado día 1 de outubro, celebrarase a primeira Festa do espantallo iniciativa da Asociación das Hortas do Val de Feáns. Unha estupenda ocasión para pasar un bo día en familia e que ademáis nos permitirá achegar aos nosos nenos, tan acostumados ao formigón, as hortas... ¡que os tomates non crecen na estantería do súper!

É necesario facer unha preinscripción previa, para estimar cantas persoas poden vir participar, tanto no concurso como no xantar. A data límite é o vindeiro luns 26 de setembro. É doado:

1. Ou ben enviades un correo electrónico a: hortasnacidade@gmail.com informando de cantas persoas ides vir e se participades no concurso ou no xantar, ou en ámbalas dúas.
2. Ou ben podedes pasar polo CCV de Feáns, en horario de apertura, onde hai unha lista.